Миний бодлоор найзууд, найз гэдгийг тодорхойлбол тэр хүнийг би маш сайн мэддэг, бас хамт байхад сайхан сэтгэгдэл төрдөг, надад бас түүнд би  тус болохыг эрмэлздэг тийм хүн юм болов уу. Хэн нэгэн нь  удаан уулзаагүй, зан нь хувирсан, буруу шийдвэр гаргасан, хэт завгүй болоод уулзаж чаддаггүй, мартсан зэрэг байдлууд хүнд тусдаг ч түүнийг би эсвэл тэр намайг сайн мэдэх учир тодорхой хэмжээгээр ойлгоно. Гэсэн ч би найз хэвээр бодсоор байх болно. Энэ миний бодол.

Саяхан фбүүкэд нэг ишлэл уншсан юм, Steve Jobs ийн залуучуудад хандаж хэлсэн үг байсан, орчуулбал, мөнх амьдрах юм шиг мөрөөд, маргааш үхэх юм шиг амьдар гэж. Гол утга нь чи нэг л удаа амьдарна. Тэгэхээр чи хамгийн сайнаараа хичээж, бүх нөөц бололцоогоо ашиглах хэрэгтэй. Тоглоом дээр 3 амь байдаг бол амьдрал дээр 1 л амь байгаа. Ойлгомжтой юм шиг боловч бид ихэнхидээ үүнийг мартдаг.   Өөрийгөө дайчилж амьдарсан шиг амьдрах хэрэгтэй.